|
|
想起仔耷年前头个桩事体,蛮滑稽个.
伊日子忒着平常一样,伲交关兄弟踢好足球,夜头到饭店里去吃饭.头浪还蛮好,吃法吃法,覅得囊桩事体,跑进来一只女人.只女人伊辰光看上去足目30岁上下,长着也蛮破,有眼妖里妖气,一口广东口音个普通话.伲当中一个电信局工作个兄弟忒着大家介绍话,得只女人是伊个网友,碰巧也勒得浪厢吃饭,正好看到仔进来个.只女人听着,也大吹自家是伲得个兄弟个"神交".出于礼貌,伲也忒着伊道简单个回应着几声,弗过反应侪比较冷淡.只女人吹好仔,挨下来开始忒大家敬酒,但是几趟下来,大家侪唔啥反应,弗愿意回敬.嗯伊辰光比较呆,觉着弗爽气,共总就得能几口酒,吃脱拉倒着,就一杆子先吃脱着.只女人一看到嗯吃脱着,就开始"表扬"嗯,嗯当时辰光也稀里糊涂,还忒大家话吃脱拉倒,得能弗爽气唔意思.大家还是弗愿意,亦僵仔2,3分钟,侪弗情愿个吃着几口酒.只女人看到大家酒侪敬好着,挨下来打着声招呼就跑脱着,大家侪弗搭理.话来也巧,正好得个辰光伲当中一个兄弟前头热仔脱脱上衣赤膊勒hai,得歇辰光也上厕所去.过脱一歇歇,得个兄弟回转来,冒火透冒火透.原来伊正好勒着走廊里碰着伊只女人,伊只女人看到伊赤着个膊,话着一句言话:格实尔个身材弗是蛮好个.伲得个兄弟觉着莫名其妙,话:嗯朆话歇过嗯身材好个啊.只女人听仔,话:尔弗觉着自家身材好则格要赤膊?话到得浪厢,得个兄弟拨弄仔光火个亦忒大家话:嗯扎要赤膊?嗯吃酒吃着热啊,嗯热仔赤膊弗来使得啊?!囊碰得着得种十三点个女人个!大家听着侪笑,觉着得只女人是有眼毛病个,卖相破弗话,还十三点兮兮,寿头刮气个,外加妖里妖气,欠透欠透.大家亦问伊个电信局工作个兄弟:尔囊会得认得得只女人个?得个兄弟话:网浪随便聊天个辰光认得个,反正侪勒浪南翔.大家听仔,侪话只女人有病,话起囊会得忒伊敬酒个,嗯最好个兄弟话:侪是***(嗯个名字)先忒伊敬酒,敬么就敬着,还勒边头话介多言话,拨伊得能弄着伲也侪唔办法想tsai得去敬酒.大家听仔,侪怪嗯话:尔囊介寿个?尔戆汹汹个去敬伊酒夯啥...嗯唔办法,只好勒着几位兄弟面前自责忒道歉,嗯个脑子是有得眼搭错脱,嗯弗应该啊,下倘碰着得种事体一定注意啊...
［ 本帖最后由 疁殇1958 于 2009-10-04 08:16:00 编辑 ］ |
|
IP卡
狗仔卡
發表於 2009-10-3 20:33:18
提升卡
置頂卡
沉默卡
喧囂卡
变色卡
千斤頂
显身卡
發表於 2009-10-4 12:27:07