【请教】问大家几个吴语上海话的正字

AndyMc

我看到网高头有吴语正字个文档，发现和钱老师个大辞典有眼出入，问问各位，何里些字是正字，如果侪可以用，大家选择何里一个？

1.“扚”还是“摘”

网上写作“扚”，钱老师写作“摘”，读音如“的”，指的是用手指掐断。箇末大家选何里一个?

2.“饫”还是“喂”

网上写作“饫”，钱老师写作“喂”，读音如“遇”，意思是喂。箇末何里一个是正字?

3.“奅”还是“铆”

网上写作“奅”，钱老师写作“铆”，网高头还指出“铆牢”是误写，到底何里一个是对个?

4.“眙”还是“弹”

网上写作“眙”，钱老师写作“弹”，吴语手册也是写作“眙”，箇末大家选何里一个?

5.“撘”还是“得”

箇个字我是勒海吴语协会看到个，粘贴写作“撘”，钱老师写作“得”，箇末何里一个是正字?

上海闲话abc

剛剛看到迪張貼子：

喂（餵）本來是三等字 jwe，就是讀iu是正常讀音，普通話i介音脫落了。上海話“喂”ue是文讀，就是學北方話讀音；iu是白讀層，就是保留個中古音。“飫”是後頭造出來當白讀音用個。既然大家習慣了，我覺着分工一下也蠻好。

迪能個例子還有交關

何 文讀wu， 白讀ra寫“嚡”。
無 文讀vu，白讀m寫“嘸”。
猴 文讀roe，白讀wu寫“猢”，又weq寫“活（或 帶 反犬旁）”。
喉 文讀roe，白讀wu寫“喖（嚨）”，又weq“囫（嚨）” 或 roq寫“斛（嚨）”。

上海闲话abc

1.“扚”还是“摘”

网上写作“扚”，钱老师写作“摘”，读音如“的”，指的是用手指掐断。箇末大家选何里一个?
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
“摘tzaq”是“知”母字，知母本讀t，tiq有可能是“摘”個古音。“扚”

康熙字典解释關於“扚”個解釋：
【卯集中】【手字部】　扚； 康熙笔画：7； 页码：页417第22(点击查看原图)
【唐韻】都了切【集韻】丁了切，音鳥。【說文】疾擊也。【揚子·方言】揜取曰扚。　又【廣韻】都歷切【集韻】丁歷切，音的。引也。　又【集韻】職略切，音灼。旁擊也。　又乙却切，音約。手指節文也。　又狼敵切，音歷。按也。

意思近，但是勿完全對得上。估計是後人一時尋勿着本字用音義相近個“扚”注音個。要是大家接受，用一下應該勿礙個。就像“言話”寫“閒話”一樣。

還有“擿”（【集韻】丁歷切，音的。義同。又磓也。　又陟革切，音謫。取也。與摘同。 ）應該也是可以用個。

上海闲话abc

3.“奅”还是“铆”

网上写作“奅”，钱老师写作“铆”，网高头还指出“铆牢”是误写，到底何里一个是对个?

4.“眙”还是“弹”

网上写作“眙”，钱老师写作“弹”，吴语手册也是写作“眙”，箇末大家选何里一个?
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
迪要講聲對勿起了，手冊原來審稿勿嚴，“彈眼落睛”寫作“眙眼落睛”、“鉚牢”寫作“奅牢”應該是誤傳。2010版應該已經修正了。以錢老師為準。
“铆”“弹”是注音還是本字，我一時也沒本事搞清爽，但是“奅”、“眙”是錯了。

［ 本帖最后由 上海闲话abc 于 2011-11-17 18:08:00 编辑 ］

parisiica