【分享】台州土话——默示录

benojan

章1

1 YIA-SU Kyi-toh-keh moh-z, z Zông-ti s-peh Ge, yüong kw’a iao ing-nyin z-kön t’ong-ts Ge cong nu-boh, ziu ts’a Ge t’in-s t’ong-ts Ge nu-boh Iah-‘ön.
1 耶穌基督個默示，是上帝賜撥渠，用快要應驗事幹通知渠眾奴僕，就差渠天使通知渠奴僕約翰。

2 Iah-‘ön yüong Zông-ti shih-wa teh Yia-su Kyi-toh-keh kyin-tsing, ziu-z z-kyi su mông-djôh tso kyin-tsing.
2 約翰用上帝說話搭耶穌基督個見證，就是自己所望著做見證。

3 Keh yü-sin su kông shih-wa, doh-keh cü-ts teh t’ing-djôh neng-keo pao-siu ge su sia-lôh cü-ts yiu foh-ky’i: ing-yü z-‘eo gying gao.
3 箇預先所講說話，獨個主子搭聽著能夠保守渠所寫落主子有福氣：因為事後近爻。

4 IAH-‘ÖN ta sing peh Ô-si-ô ts’ih-ke kao-we: Dæn-nyün ng-he teh-djôh eng-yü bing-ön, jong keh-yü yin-ze yi-zin ts-‘eo ze-teh; teh Ge zo-yü min-zin ts’ih-ke Ling;
4 約翰帶信撥亞西亞七個教會：但願爾許得著恩惠平安，從箇位現在以前之後在耷；搭渠座位（座椅？）面前七個靈；

5 wæ-yiu keh cong-sing kyin-tsing-keh, deo-ih s-gao tse-weh, tso t’in-‘ô wông-ti-keh Cü-tse Yia-su Kyi-toh.
Z Ge e-sih ngô-he, yüong Z-keh hyüih si-gao ngô-he-keh ze;
5 還有箇忠心見證個，頭一死爻再活，做天下皇帝個主宰耶穌基督。

6 lih ngô-he tso wông, tso tsi-s, ze Ge Vu-ts’ing Zông-ti-keh min-zin: Dæn-nyün yüong-wa gyün-ping kyü peh Ge tao si-si-de-de. Ô-meng.
6 立我許做王，做祭司，在渠父親上帝個面前：但願榮華權柄歸撥渠到世世代代。亞門。

7 Ge we kô yüing lôh-le; cong-nying-keh ngæn pih-ding mông-djôh; ze di-zông zoh-veng tu yü Ge di-k’oh. Lao-zih z-keh, Ô-meng.
7 渠會駕雲落來；眾人個眼必定望著；在地上族分都為渠啼哭。老實是個，亞門。

8 Cü Zông-ti kông, “Ngô z Ô-li-fæh teh O-mi-kô, z ky’i-deo teh lôh-kyiah, yin-ze yi-zin ts-‘eo tu ze-teh, Vu-su-peh-neng-keh.”
8 主上帝講，「我是亞里法搭阿米加，是起頭搭落腳，現在以前之後都在耷，無所不能個。」

9 Ngô Iah-‘ön, z ng-he hyüong-di jü-de ziu pih-næn, ne-sing teng-de Yia-su Kyi-toh-keh koh, yü Zông-ti-keh dao-li teh Yia-su Kyi-toh-keh kyin-tsing ze Bæh-mo he-tao.
9 我約翰，是爾許兄弟聚隊受pih-難，耐心等待耶穌基督個國，為上帝個道理搭耶穌基督個見證在拔摩海島。

10 P’ong-djôh Cü-nyih mong Sing-Ling kön-dong, t’ing-djôh ngô ‘eo-pe ziang ‘ao-deo ting do-keh sing-hyiang, kông,
10 碰著主日蒙聖靈感動，聽著我後背像號頭頂大個聲響，講，

11 “Ng hao peh su mông-djôh-keh sia ze shü-li, ta peh Ô-si-ô ts’ih-ke kao-we, ziu-z ze Yi-feh-su, Z-me-nô, Bih-kô-mo, T’e-ngô-t’e-læh, Sæh-dih, Fi-læh-t’ih-fi, teh Lao-ti-kô di-fông.”
11 「爾好撥所望著個寫在書裏，帶撥亞西亞七個教會，就是在以弗所，士每拿，別迦摩，推雅推喇，撒狄，非拉鐵非，搭老底嘉地方。」

12 Ngô le-cün siang mông teh ngô kông-keh sing-ing. Ih le-cün mông-djôh ts’i-tsæn kying teng-gying;
12 我來轉想望搭我講個聖靈。一來轉望著幾盞金燈檠；

13 ts’ih-tsæn teng-gying cong-yiang yiu ziang nying-keh N-ts, tsiah t’o-kyiah-pe-keh i-zông, hyüong-deo kyi kying-ts-keh ta.
13 七盞燈檠中央有像人個兒子，著拖腳背個衣裳，胸頭繫金子個帶。

14 Ge deo teh deo-fæh tu shih-bah, ziang yiang-mao, ziang shih; Ge-keh ngæn ziang ho-yin;
14 渠頭搭頭髮都雪白，像羊毛，像雪；渠個眼像火焰；

15 Ge kyiah ziang ting hao dong, ziang ze ho-li tön-lin-ku; Ge-keh sing-ing ziang do-shü-keh sing-hyiang.
15 渠腳像頂好銅，像在火裏鍛煉過，渠個聲音像大水個聲響。

16 Ge jing-siu k’ô ts’ih-leh sing; yiu fong-kw’a-keh pao-kyin jong Ge k’eo c’ih-le: Ge min-lin ziang ting mang nyih-deo tsao-djôh.
16 渠順手揢七粒星；有鋒快個寶劍從渠口出來：渠面前像頂猛日頭罩著。

17 Ngô mông-djôh, ziu p’oh-tao Ge kyiah-zin, ziang s. Ge jing siu en-en ngô, teh ngô kông, “ Hyiao hôh; Ngô z ky’i-deo teh lôh-kyiah,
17 我望著，就覆倒渠腳前，像死。渠順手摁摁我，搭我講，「休要嚯；我是起頭搭落腳，

18 Ngô z weh, Ngô yi s-ku, Ngô yin-ze weh tao üong-yün si-de, ping-ts’ia Ngô tsih-tsông s teh ing-kæn-keh so-z.
18 我是活，我咦死過，我現在活到永遠世代，並且我執掌死搭陰間個鎖匙。

19 Ng su mông-djôh-keh, yin-ze teh ‘eo-le su yiu-keh, tu hao sia-lôh;
19 爾所望著個，現在搭後來所有個，都好寫落；

20 wæ-yiu Ngô jing siu ng su mông-djôh-keh ts’ih-leh sing-keh ao-miao i-s, teh ts’ih-tsæn kying teng-gying. Keh ts’ih-leh sing, z ts’ih kao-we-keh s-ts’a: keh ts’ih-tsæn teng-gying, ziu-z ts’ih-keh kao-we.
20 還有我順手爾所望著個七粒星個奧妙意思，搭七盞金燈檠。箇七粒星，是七教會個使差：箇七盞燈檠，就是七個教會。

benojan

章2

1 “NG hao sia sing peh Yi-feh-su kao-we-keh s-ts’a;
        ‘Jing-tsih siu k’ô ts’ih-leh sing, yi ze ts’ih-tsæn kying teng-gying cong-yiang tseo Cü-ts z-t’ih kông:
1 「爾好寫信撥以弗所教會個使差；
        「順隻手揢七粒星，咦在七盞金燈檠中央走主子是僣講：

2 Ngô hyiao-teh ng su tso, ng-keh lao-loh teh zing-ne, feh kw’ön-yüong ôh-nying, yiu z-kyi kông tso s-du, lao-zih feh-z, ng yi-kying s-s-ku hyiao-teh ge z hyü-kô;
2 我曉得爾所做，爾個勞碌搭忍耐，弗寬容惡人，有自己講做使徒，老實弗是，爾已經試試過曉得渠是虛假；

3 ng yiu zing-ne yü Ngô ming-deo lao-k’u, feh hyih-lih.
3 爾有忍耐為我名頭勞苦，弗喫力。

4 Dæn-z Ngô yiu ih-yiang iao p’i-bing ng, ing-yü ng yi-kying sih-gao ky’i-deo e-sih-keh sing.
4 但是我有一樣要批評爾，因為爾已經失爻起頭愛惜個心。

5 Ng ing-ke kyi-nyin jong nô su-ze tih-lôh, iao hwe-ke, voh-cün ky’i-deo su tso; ziah feh hwe-ke, Ngô ziu we tao ng su-ze, peng-ku ng-keh teng-gying.
5 爾應該紀念（記念）從哪所在跌落，要悔改，復轉起頭所做；若弗悔改，我就會到爾所在，搬過爾個燈檠.

6 Dæn-z ng yiu ih-yiang hao-c’ü, Nyi-ko-læh keh-tông ‘ang-yü, Ngô su k’o-u, ng ah k’o-u.
6 但是爾有一樣好處，尼哥拉個黨行為，我所可惡，爾也可惡。

7 Yiu ng-tô cü-ts iao t’ing Sing-Ling t’ong-ts cong kao-we-keh shih-wa. Teh-sing cü-ts, Ngô we yüong Zông-ti foh-yün cong-yiang weh-ming jü s-peh ge ky’üoh.’
7 有耳朵主子要聽聖靈通知眾教會個說話。得勝主子，我會用上帝福園中央活命樹賜撥渠吃。」

8 “Yi hao sia sing peh Z-me-nô kao-we-keh s-ts’a;
        ‘Ky’i-deo lôh-kyiah s-gao yi weh-cün-le Cü-ts z-t’ih kông:
8 「咦好寫信撥士每拿教會個使差；
                起頭落腳死爻咦活轉來主子是僣講：

9 Ngô hyiao-teh ng su tso, teh næn-deo ky’üih-siao; (ng zih-ze fu-coh), yiu-sih z kông z Yiu-t’a nying, lao-zih feh-z, z Sæh-dæn-keh jü-we-dông, Ngô hyiao-teh ge-he z sih-doh shih-wa.
9 我曉得爾所做，搭難頭缺少；（爾實在富足），有些自講自猶太人，老實弗是，是撒但個聚會堂，我曉得渠許是褻瀆說話。

10 Ng ‘eo-le iao ziu-keh k’u-næn, ih-ting hyiao hôh: mo-kyü wa-sön peh ng-he cong-yiang kyi-ke nying kwæn-lôh kæn-lao, s-s ng, ziu zih-nyih k’u-næn. Ng iao cong-sing tao s, Ngô we s-peh ng weh-ming-keh bing-t’in-kwön.
10 爾後來要受個苦難，一點休要嚯：魔鬼壞算撥爾許中央幾個人關落監牢，試試爾，就十日苦難。爾要忠心到死，我會賜撥爾活命個平天冠。

11 Yiu ng-tô cü-ts iao t’ing Sing-Ling t’ong-ts cong kao-we-keh shih-we. Teh-sing cü-ts di-nyi-t’ao s feh neng ‘e ge.’
11 有耳朵主子要聽聖靈通知眾教會個說話。得勝主子第二套死弗能害渠。」

12 “Yi hao sia sing peh Bih-kô-mo kao-we-keh s-ts’a;
        ‘Yiu fong-kw’a pao-kyin Cü-ts z-t’ih kông:
12 「咦好寫信撥別迦摩教會個使差；
                「有鋒快寶劍主子是僣講：

13 Ngô hyiao-teh ng su tso, teh ng su djü, ziu-z Sæh-dæn zo-yü su-ze: Ngô cong-sing-keh kyin-tsing Ön-di-p’ô, bi tsông-s ze ng-he cong-yiang, Sæh-dæn su djü-keh su-ze, keh z-‘eo ng ning-gyiu siu-lao Ngô-keh ming-deo, vong tön-gao siang-sing Ngô-keh sing.
13 我曉得爾所做，搭爾所住，就是撒但座位所在：我忠心個見證安提帕，被妝死在爾許中央，撒但所住個所在，箇時候爾仍舊守牢我個名頭，朆斷爻相信我個心。

14 Dæn-z Ngô yiu kyi-yiang iao p’i bing ng, ing-yü zin-deo Pô-læn kao Pô-lih peh Yi-seh-lih nying pæn-kyiah, ziu-z ky’üoh ngeo-ziang-keh tsi-veh, tso kæn-ying, ze ng cong-yiang ah yiu pao-siu ge-keh kao-hyüing.
14 但是我有幾樣要批評爾，因為前頭巴蘭教巴列撥以色列人絆腳，就是吃偶像個祭物，做姦淫，在爾中央也有保守渠個教訓。

15 Ng cong-yiang ah yiu pao-siu Ngô su k’o-u Nyi-ko-læh keh-tông kao-hyüing.
15 爾中央也有保守我所可惡尼哥拉箇黨教訓。

16 Ng iao hwe-ke; feh-zin Ngô ziu tao ng su-ze le, yüong Ngô k’eo-li-keh pao-kyin teh ge-he tang-tsiang.
16 爾要悔改；弗然我就到爾所在來，用我口裏個寶劍搭渠許打仗。

17 Yiu ng-tô cü-ts iao t’ing Sing-Ling t’ong-ts cong kao-we-keh shih-wa. Teh-sing cü-ts, Ngô we s-peh ge ön-zông-keh mô-nô hao ky’üoh, yi s-peh ge ih-kw’e shih-bah zih-deo, zih-deo zông-min sia sing-keh ming-z, djü tsih-ziu cü-ts ts-nga m-nying sih-teh.’
17 有耳朵主子爻聽聖靈通知眾教會個說話。得勝主子，我會賜撥渠暗藏個嗎哪好吃，咦賜撥渠一塊雪白石頭，石頭上面寫新個名字，除接受主子之外嘸人識得。」

18 “Yi hao sia sing peh T’e-ngô-t’e-læh kao-we-keh s-ts’a;
        ‘Zông-ti-keh N-ts, Ge ngæn ziang ho-yin, Ge kyiah ziang ting hao dong z-t’ih kông:
18 「咦好寫信撥推雅推喇教會個使差；
                「上帝個兒子，渠眼像火焰，渠腳像頂好銅是僣講：

19 Ngô hyiao-teh ng su tso, ng-keh e-sih teh bæn-z, ng-keh siang-sing teh zing-ne, yi hyiao-teh ng lôh-kyiah su tso hao-jü ky’i-deo.
19 我曉得爾所做，爾個愛惜搭辦事，爾個相信搭忍耐，咦曉得爾落腳所做好如起頭。

20 Dæn-z Ngô wæ-yiu kyi-yiang hao p’i-bing ng, ing-yü keh nyü-nying Yia-si-bih z kông z sin-ts-nying; ng ‘eo ge kao-diao yiu-‘oh Ngô-keh nu-boh tso kæn-ying, teh ky’üoh ngeo-ziang-keh tsi-veh.
20 但是我還有幾樣好批評爾，因為箇女人耶洗別自講自先知人；爾候渠教調誘惑我個奴僕做姦淫，搭吃偶像個祭物。

21 Ngô s-peh ge hwe-ke-keh kyi-we, hao tön-gao ge kæn-ying; ge feh k’eng hwe-ke.
21 我賜撥渠悔改個機會，好斷爻渠個姦淫；渠弗肯悔改。

22 Ngô pih-ding tön ge ze min-zông, teh ge jü-de tso kæn-ying cü-ts, ziah feh hwe-ke ge su tso, pih-ding kô-ts’eo ting do wæn-næn.
22 我必定斷渠在眠床，搭渠聚隊做姦淫主子，若弗悔改渠所做，必定加湊頂大患難。

23 Ngô yi we djü-mih ge-keh n-nô; cong kao-we ziu we hyiao-teh dzô-ts’æh nying-keh sing ziu-z Ngô: Ngô yi we tsiao kôh-nying su tso pao-ing ng-he.
23 我咦會除滅渠個兒囡；眾教會就會曉得查察人個心就是我：我咦會照各人所做報應爾許。

24 Dæn-z ng-he teh væn-pah ze T’e-ngô-t’e-læh, feh i ge kao-diao, feh sih-teh ge-he su kông Sæh-dæn-keh ao-miao; Ngô feh yüong bih-yiang tæn-deo peh ng-he.
24 但是爾許搭凡百在推雅推喇弗依渠教調，弗識得渠許所講撒旦個奧妙；我弗用別樣擔頭撥爾許。

25 Tsih-yiu ng su yiu, hao pao-siu teng-tao Ngô le.
25 只有爾所有，好保守等到我來。

26 Teh-sing, pao-siu Ngô ‘ang-yü tao-ti cü-ts, Ngô we s-peh ge tsông-kwön væn-koh:
26 得勝，保守我行為到底主子，我會賜撥渠掌管萬國。

27 yüong t’ih-kweng kwön-æh ge-he, ziang k’ao-se læn-wu-nyi ho; ziang Ngô jong Ngô Vu-ts’ing su tsih-ziu:
27 用鐵棍管轄渠許，像敲碎爛糊泥火，像我從我父親所接受；

28 Ngô yi we s-peh ge t’in-liang-hyiao.
28 我咦會賜撥渠天亮曉。

29 Yiu ng-tô cü-ts iao t’ing Sing-Ling t’ong-ts cong kao-we-keh shih-wa.’
29 有耳朵主子爻聽聖靈通知眾教會個說話。」

benojan

章3

1 “Yi hao sia sing peh Sæh-dih kao-we-keh s-ts’a;
        ‘Yiu Zông-ti ts’ih-ke Ling teh ts’ih-leh sing Cü-ts z-t’ih kông; Ngô hyiao-teh ng su tso, ming-deo z weh, zih-ze z s.
1 「咦好寫信撥撒狄教會個使差；
                「有上帝七個靈搭七粒星主子是僣講；我曉得爾所做，名頭是活，實在是死。

2 Iao kying-sing, kyin-ku kw’a iao s dzing-lôh-keh teh-‘ang: ing-yü Ngô mông ng su tso ze Zông-ti min-zin z feh jün-bi.
2 要儆醒，堅固快要死剩落個德行：因為我望爾所做在上帝面前是弗全備。

3 Su-i ng iao kyi-nyin zin-deo tsa tsih-ziu, tsa t’ing-djôh; iao pao-siu ge, iao hwe-ke. Ziah feh kying-sing, Ngô we ziang zeh tao ng su-ze, ng ah feh hyiao-teh Ngô kyi-z tao.
3 所以爾要紀念前頭怎接受，怎聽著；要保守渠，要悔改。若弗儆醒，我會像賊到爾所在，爾也弗曉得我幾時到。

4 Dæn-z ng ze Sæh-dih yiu kyi-ke vong tsông we-u ge-keh i-zông: ge-he ‘eo-le tsiah bah teh Ngô jü-de tseo; ing-yü ge-he z ing-ke.
4 但是爾在撒狄有幾個朆妝穢污渠個衣裳：渠許後來著白搭我聚隊走；因為渠許是應該。

5 Teh-sing cü-ts tsiang-le we tsiah shih-bah i-zông; Ngô fe du-siao ge-keh ming-z ze weh-ming ts’ah-zông, Ngô we tsiao-nying ge-keh ming-z ze Ngô Vu-ts’ing teh Ge t’in-s min-zin.
5 得勝主子將來會著雪白衣裳；我弗會塗消渠個名字在活命冊上。我會招認渠個名字在我父親搭渠天使面前。

6 Yiu ng-tô cü-ts iao t’ing Sing-Ling t’ong-ts cong kao-we-keh shih-wa.’
6 有耳朵主子要聽聖靈通知眾教會個說話。」

7 “Sing-zin, zing-zih, k’ô Da-bih-keh so-z, k’e Cü-ts z-t’ih kông:
7 「聖善，誠實，揢大別個鎖匙，開主子是僣講：

8 Ngô hyiao-teh ng su tso: (Ngô ze ng-keh min-zin k’e meng, m-nying neng-keo kwæn), ing-yü ng yiu-ting lih-liang, yi siu-lao Ngô shih-wa, vong feh tsiao-nying Ngô-keh ming-deo.
8 我曉得爾所做：（我在爾個面前開門，嘸人能夠關），因為爾有點力量，咦守牢我說話，朆弗招認我個名頭。

9 Joh-ü Sæh-dæn jü-we-dông cü-ts, z kông z Yiu-t’a nying, zih-ze feh-z, z tseh-hông; Ngô we peh ge-he le p’oh-tao ng kyiah-zin, hyiao-teh Ngô z e-sih ng.
9 屬於撒但聚會堂主子，自講自猶太人，實在弗是，是撒謊；我會撥渠許來覆倒爾腳前，曉得我是愛惜爾。

10 Yü ng pao-siu Ngô zing-ne-keh dao-li, ‘eo-le-keh wæn-næn iao ling-djôh t’ong-t’in-‘ô s-s si-zông nying z-‘eo, Ngô we pao-wu ng.
10 為爾保守我忍耐個道理，後來個患難要臨著統天下試試世上人時候，我會保護爾。

11 Ngô ziu le: ng su yiu, iao k’ô-lao, sang-teh yiu nying peh ng-keh bing-t’in-kwön deh-k’e.
11 我就來：爾所有，要揢牢，省得有人撥爾個平天冠奪去。

12 Teh-sing cü-ts, Ngô we peh ge ze Ngô Zông-ti-keh din tso oh-djü, ge feh tse tseo-c’ih; Ngô we yüong Ngô Zông-ti-keh ming-deo teh Ngô Zông-ti-keh zing-dz, ziu-z jong t’in-zông Ngô Zông-ti su-ze kông-lôh-keh sing Yia-lu-sæh-lang, teh Ngô-z sing-keh ming-z, tu sia ze ge-keh zông-min.
12 得勝主子，我會撥渠在我上帝個殿做屋柱，渠弗再走出；我會用我上帝個名頭搭我上帝個城池，就是從天上我上帝蘇在降落個新耶路撒冷，搭我自新個名字，都寫在渠個上面。

13 Yiu ng-tô cü-ts iao t’ing Sing-Ling t’ong-ts cong kao-we-keh shih-wa.’
13 有耳朵主子要聽聖靈通知眾教會個說話。」

14 “Yi hao sia sing peh Lao-ti-kô kao-we-keh s-ts’a;
                ‘Tso Ô-meng, tso Zông-ti zao-hwa ky’i-deo Cü-ts z-t’ih kông:
14 「咦好寫信撥老底嘉教會個使差；
                「做亞門，做上帝造化起頭主子是僣講：

15 Ngô hyiao-teh ng su tso, ng z feh lang feh nyih: Ngô dæn-nyün ng ‘oh-tsia lang ‘oh-tsia nyih.
15 我曉得爾所做，爾是弗冷弗熱：我但願爾或者冷或者熱。

16 Yü ng z nyih-hong-hong, yi feh lang feh nyih, Ngô we jong Ngô k’eo-li t’u ng c’ih.
16 為爾是熱烘烘，咦弗冷弗熱，我會從我口裏吐爾出。

17 Ing-yü ng z kông z ze-cü, yi-kying fu-coh, m-kao ky’üih-siao; feh hyiao-teh z-kyi z kw’eng-k’u, k’o-lin, bing-gyüong, hæh-ngæn, c’ih-sing-lu-t’i:
17 因為爾自講自財主，已經富足，嘸較缺少；弗曉得自己是困苦，可憐，貧窮，瞎眼，赤身露體：

18 Ngô ky’ün ng jong Ngô su-ze ma ho tön-lin-keh kying-ts, hao fu-coh; shih-bah-keh i-zông hao tsiah, sang-teh ng c’ih-sing-lu-t’i ‘ôh-nying-siang; yüong ngæn-yiah t’æh ng-keh ngæn, hao mông-djôh.
18 我勸爾從我所在買火鍛煉個金子，好富足；雪白個衣裳好著，省得爾赤身露體‘ôh-人相；用眼藥搨爾個眼，好望著。

19 Væn-pah Ngô su e-sih-keh, Ngô p’i-bing ge, tsah-væh ge; su-i ng iao nyih-sing hwe-ke.
19 凡百我所愛惜個，我批評渠，責罰渠；所以爾要熱心悔改。

20 Ngô gyi ze meng-k’eo k’ao meng: ziah yiu nying t’ing-djôh Ngô sing-ing k’e meng-keh, Ngô ziu we tseo-tsing ge su-ze, Ngô teh ge, ge teh Ngô, jü-de ky’üoh.
20 我徛在門口敲門：若有人聽著我聲音開門個，我就會走進渠所在，我搭渠，渠搭我，聚隊吃。

21 Teh-sing cü-ts Ngô we s-peh ge teh Ngô jü-de zo ze Ngô-keh zo-yü, ziang Ngô teh-sing, teh Ngô Vu-ts’ing jü-de zo ze Ge-keh zo-yü.
21 得勝主子我會賜撥渠搭我聚隊坐在我個座位，像我得勝，搭我父親聚隊坐在渠個座位。

22 Yiu ng-tô cü-ts iao t’ing Sing-Ling t’ong-ts cong kao-we-keh shih-wa.’ ”
22 有耳朵主子要聽聖靈通知眾教會說話。」 」

benojan

章4

1 KEH z-kön yi-‘eo ngô mông-mông, mông-djôh t’in-zông yiu meng k’e-kæn, deo-t’ao t’ing-djôh-keh sing-hyiang ziang ‘ao-deo, teh ngô kông, “Ng tseo-zông tao i le, Ngô we peh yi-‘eo pih-ding yiu-keh z-kön ts-tin ng.”
1 箇事幹以後我望望，望著天上有門開柬，頭套聽著個聲響像號頭，搭我講，「爾走上到倚來，我會撥以後必定有個事幹指點爾。」

2 Ngô ziu bi Sing-Ling kön-dong: mông-djôh yiu zo-yü pa ze t’in, zo-yü-zông yiu ih-yü zo-teh;
2 我就被聖靈感動：望著有座位擺在天，座位上有一位坐耷；

3 zo-teh Cü-ts yüong-mao ziang pih-nyüoh teh mô-nao: yiu heo yü-cün zo-yü, mông-djôh ziang fi-ts’e nyüoh.
3 坐耷主子容貌像碧玉搭瑪瑙：有鱟圍轉座位，望著像翡翠玉。

4 Zo-yü deo-ky’ün yiu nyin-s-ke zo-yü: ze zo-yü ngô mông-djôh yiu nyin-s-ke tsiang-lao zo-kæn, tsiah shih-bah-keh i-zông; deo ta kying-ts-keh bing-t’in-kwön.
4 座位頭圈有廿四個長老坐柬，著雪白個衣裳；頭戴金子個平天冠。

5 Jong zo-yü yiu sin-din teh hyiang-le, teh hyü-to sing-ing c’ih-le. Yi yiu ts’ih-tsæn teng-liang ze zo-yü min-zin, ziu-z Zông-ti ts’ih-ke Ling;
5 從座位有閃電搭響雷，搭許多聲音出來。咦有七盞燈亮在座位面前，就是上帝七個靈；

6 zo-yü min-zin yiu po-li he ziang shü-tsing; zo-yü cong-yiang, teh zo-yü deo-ky’ün, yiu s-ke weh-veh zin-‘eo mön-sing yiu ngæn.
6 座位面前有玻璃海像水晶；座位中央，搭座位頭圈，有四個活物前後滿身有眼。

7 Deo-ih-ke weh-veh ziang s-ts, di-nyi-ke weh-veh ziang siao-ngeo, di-sæn-ke weh-veh min-lin ziang nying, di-s-ke weh-veh ziang fi-keh la-ing.
7 頭一個活物像獅子，第二個活物像小牛，第三個活物面臉像人，第四個活物像飛個賴鷹。

8 Keh s-ke weh-veh, ke-ke yiu loh-tsih yih-pông, li-nga deo-ky’ün tu yiu ngæn: nyih yia feh hyih ze-teh kông, “Sing-zin, sing-zin, sing-zin, Jün-neng-keh Cü Zông-ti, zin-deo ze-teh, yin-ze ze-teh, yi-‘eo ze-teh.”
8 箇四個活物，個個有六隻翼膀，裏外頭圈都有眼：日夜弗歇在耷講，「聖善，聖善，聖善，全能個主上帝，前頭在耷，現在在耷，以後在耷。」

9 Keh weh-veh kyü yüong-wa, tseng-djong, kön-zia peh zo ze zo-yü-zông üong-weh Cü-ts z-‘eo,
9 箇活物歸榮華，尊重，感謝撥坐在座位上永活主子時候，

10 nyin-s-ke tsiang-lao p’oh-lôh zo ze zo-yü-zông-keh min-zin, pa-pa üong weh Cü-ts, côh-lôh ge-keh bing-t’in-kwön ze zo-yü min-zin, kông,
10 廿四個長老覆落坐在座位上個面前，拜拜永活主子，捉落渠個平天冠在座位面前，講，

11 “Ngô-keh Cü Ngô-keh Zông-ti, Ng ing-ke ziu yüong-wa, tseng-djong, gyün-ping: ing-yü væn-veh tu z Ng su zao, væn-veh zao-c’ih-le su yiu, tu z Ng-keh ts-i.”
11 「我個主我個上帝，爾應該受榮華，尊重，權柄：因為萬物都是爾所造，萬物造出來所有，都是爾個旨意。」

benojan

章5

1 NGÔ yi mông-djôh zo ze zo-yü-zông Cü-ts jing-tsih siu yiu ih-kyün shü li-nga tu yiu z, yüong ts’ih-k’o ing fong-lao.
1 我咦望著坐在座位上主子順隻手有一卷書裏外都有字，用七顆印封牢。

2 Yi mông-djôh yiu neng-kön-keh t’in-s do sing-hyiang kông, “Kæh-nying hao t’æn-k’e keh-kyün shü, ts’ah-k’e ge-keh ing?”
2 咦望著有能幹個天使大聲響講，「嘎人好攤開箇卷書，拆開渠個印？」

3 Ze t’in-zông, di-zông, teh di-‘ô, tu feh neng t’æn-k’e keh-kyün shü, mông ge.
3 在天上，地上，搭地下，都弗能攤開箇卷書，望渠。

4 Ngô ziu k’oh-mang ing-yü m-yiu hao t’æn-k’e keh-kyün shü mông ge.
4 我就哭猛因為嘸有好攤開箇卷書望渠。

5 Yiu ih-ke tsiang-lao teh ngô kông, “Feh iao k’oh: Yiu-da ts-p’a-keh S-ts, Da-bih-keh Keng-deo, yi-kying teh-sing, hao t’æn-k’e keh-kyün shü ts’ah-k’e ge ts’ih-k’o ing.”
5 有一個長老搭我講，「弗要哭：猶大支派個獅子，大別個根頭，已經得勝，好攤開箇卷書拆開渠七顆印。」

6 Ngô ziu mông ze zo-yü teh tsiang-lao, teh s-ke weh-veh cong-yiang, yiu ih-tsih Siao-yiang gyi-teh, ziang bi sæh-ku, yiu ts’ih-tsih kôh, ts’ih-tsih ngæn, ziu-z Zông-ti ts’ih-ke Ling, ts’a tao t’ong-t’in-‘ô.
6 我就望在座位搭長老，搭四個活物中央，有一隻小羊徛耷，像被殺過，有七隻角，七隻眼，就是上帝七個靈，差到統天下。

7 Ge tseo-le, jong zo ze zo-yü zông Cü-ts jing-tsih siu do keh-kyün shü.
7 渠走來，從坐在座位上主子順隻手馱箇卷書。

8 Do keh-kyün shü z-‘eo, keh s-ke weh-veh teh nyin-s-ke tsiang-lao tu p’oh ze Siao-yiang min-zin, ke-ke k’ô gying, teh kying-ts-keh hyiang-lu yiu hyiang din-mön, ziu-z sing-du-keh tao-kao.
8 馱箇卷書時候，箇四個活物搭廿四個長老都覆在小羊面前，個個揢琴，搭金子個香爐，有香填滿，就是聖徒個禱告。

9 Ge-he ko-ts’ông sing-keh tsæn-mi-s, kông, “Ng ing-ke do keh-kyün shü, ts’ah-k’e ge-keh ing: ing-yü Ng bi sæh-ku, yüong Ng-keh hyüih c’ü-joh ngô-he jong kôh ts-p’a, k’eo-ing, pah-sing, koh-veng, tu kyü peh Zông-ti,
9 渠許歌唱新個讚美詩，講，「爾應該馱箇卷書，拆開渠個印：因為爾被殺過，用爾個血c’ü-joh我許從各支派，口音，百姓，國份，都歸撥上帝，

10 peh ngô-he tso wông tso tsi-s ze ngô-he Zông-ti min-zin; hao ze si-zông tso wông.”
10 撥我許做王做祭司在我許上帝面前；好哉世上做王。」

11 Ngô yi mông, t’ing-djôh zo-yü teh weh-veh tsiang-lao-keh deo-ky’ün yiu hyü-to t’in-s-keh sing-ing; ge su-moh z ts’in-ts’in-væn-væn;
11 我咦望，聽著座位搭活物長老個頭圈有許多天使個聲音；渠數目是千千萬萬；

12 do sing-hyiang kông, “Keh sæh-ku-keh Siao-yiang ing-ke tsih-ziu gyün-ping, fu-coh, ts’ong-ming, neng-lih, tseng-kyü, yüong-wa, coh-tsæn.”
12 大聲響講，「箇殺過個小羊應該只有權柄，富足，聰明，能力，尊貴，榮華，祝讚。」

13 Ngô yi t’ing-djôh t’in-zông, di-zông, teh di-‘ô, he-yiang, væn-pah su yiu, teh ge li-min væn-veh tu kông. “Dæn-nyün coh-tsæn, tseng-kyü, yüong-wa, neng-kön, üong-yün kyü peh zo ze zo-yü-zông Cü-ts teh Siao-yiang.”
13 我咦聽著天上，地上，搭地下，海洋，凡百所有，搭渠裏面萬物都講。「但願祝讚，尊貴，榮華，能幹，永遠歸撥坐在座位上主子搭小羊。」

14 Keh s-ke weh-veh kông, “Ô-meng.” Keh-sih tsiang-lao ziu p’oh-lôh pa-pa.
14 箇四個活物講，「亞門。」箇些長老就覆落拜拜。

hisahara

白读很精彩，教都不腭化，wei都变成yu了。

［ 本帖最后由 东越木香 于 2012-08-10 16:28:00 编辑 ］

hisahara

现代北吴真是堕落啊。

东越木香

tseh-hông
tseh本字就是“撒”字。
如：tseh米，tseh石灰。
南吴心母读作擦音的还有“笑”字，缙云读chiau,青田读chyoe
擦音读作塞擦音的又一例。
是古吴语遗留的底层啊，也是非汉成分。

东越木香

hisahara 發表於 2012-8-6 09:49
白读很精彩，教都不腭化，wei都变成yu了。

“教”字现在仍没有文读音，wei变成yu，现在只能变一半了。
总体的白读的确比现在的要强大，如：赐字。
现在的台州人肯定读成tshy了。
但是仔细想想，“所赐”一词，明显是读sy呀，许多人的读音都是跟着官话走了。