【原创】小囡轶事几则 2（吴语写作）

上海闲话abc

小囡轶事几则 2（吴语写作）

从超市出来，小囡嗍了嗍手节头后跟妈妈讲：
妈妈侬买个蛋勿灵光。
妈妈：哦，哪能勿灵光？
小囡：侪发霉了，毛也长出来了。
小囡顺手指了指。
妈妈：哦，侬讲搿个猕猴桃啊？

垃垃大剧院里向。
小囡拉拉阿爸袖子，小声话：台哴向哎个手里拎根棒头乱挥个坏人想要做啥？
阿爸一呆：侬讲哎个指挥啊，伊勿是坏人。
小囡：伊勿是坏人？格嚜做啥旁边个阿姨拨吓得哇哇穷叫？
阿爸：哎个是女高音呀！

爸爸问：小囡呀，我哪能还没收到侬今年个成绩单。
小囡：我借拨军军了。
阿爸：侬借拨军军做啥。
小囡：军军考了勿好，伊怕伊拉阿爸请伊吃生活。
阿爸：格嚜，跟侬搭啥界？
小囡：伊拉阿爸看到我个成绩单，作兴就勿打伊了。

小囡一家头垃垃公园里趤来趤去。公园个管理人员发现了，就走过去问：
小朋友，侬一家头来公园个？
小囡：我是跟妈妈一淘来个。
管理员：乃妈妈拿侬落脱了？
小囡：勿是个，是我拿妈妈落脱了。
管理员笑笑继续问：格嚜，侬住了啥地方？
小囡：我住了窝里向。
管理员一呆，继续问：侬个叫啥？
小囡：我叫小囡。
管理员只好继续问：侬个爸爸叫啥？妈妈叫啥？
小囡：爸爸就叫爸爸，妈妈就叫妈妈。
管理员问：我是问，别人哪能叫乃爸爸、妈妈。
小囡：人家侪叫爸爸：戆卵，叫妈妈：十三点！

［ 本帖最后由 上海闲话abc 于 2008-12-29 04:29:00 编辑 ］

benojan

超市里趒出来，小人手末节头吮吮，搭渠娘讲：
婀姨，尔个蛋买来都无用爻个。
妈妈：哘，几时无用爻？
小囡：都霉爻个，毛阿出出来爻。
小人手骨擉擉。
妈妈：噢，尔讲许猕猴桃嚡？

徕大剧院里向。
小人拉渠爹个衫袖，轻轻讲：戏棚头个人嗱手骨里株棒揢起乱霍个吞个，渠约咋物嚡？
阿爸一呆：尔讲个居是指挥啊，渠勿是吞个嗨。
小囡：勿是吞吤？馨，边里个娘姨还吖吖叫起来？
阿爸：渠女高音嚡！

爹问：小人啊，尔今年个成绩单还朆拨我望矣。
小人：我借拨阿军爻。
阿爸：尔借拨阿军咋物？
小人：阿军考得弗好，渠忖渠爹慢约打渠，渠吓。
阿爸：个勿，搭尔何物相干唅？
小人：渠爹我个成绩单望爻慢弗打渠爻阿呒数。

小人勿独居徕公园里趤趤。公园个管理员勿望着爻，哈趒去问渠讲：
小朋友，尔怎儿独个人僵公园里个哘？
小囡：我搭我婀姨聚队趒来。
管理员：噢。爻叻，尔婀姨拨尔掽爻叻。
小囡：朆吤，是我拨伊掽爻嚡。
管理员笑笑咦问：个勿，侬宿勒何方个唅？
小囡：宿屋里向唅。
管理员一击呆，咦问：尔何物名字？
小囡：小人。
管理员只好问问凑：小人啊，馨尔娘爸何物名字唅？
小囡：爹爹、婀姨。
管理员问：我意思是别居都䜒尔娘爸何物？
小人：都䜒我爹爹讲呆大，䜒我婀姨讲十三点个唅！

热度

覅忒老卵老卵割卵

benojan

尔想咋物？

上海闲话abc

覅忒老卵，老卵割卵
热度 发表于 2008-12-28 18:06 ↩️

行割礼，想当阿拉伯人啊？