【转帖】叶世荪：幺二（ni）角落小路变二（liang）三米宽大道

上海闲话abc

幺二（ni）角落小路变二（liang）三米宽大道

叶世荪

　　文 / 叶世荪

　　老张垃屋里排行第二___，邻舍道里侪叫伊阿二___头。阿二___头从石门二___路二___百卄二___号搬到中山南二___路个第二___年，亲眼看到了世博会让上海迭个城市变得更加美好个变化过程。老里八早个辰光，中山南二___路个南面，侪是上世纪二___十年代造个房子。一是旧，二___是破，住了像七十二___家房客，轧是轧得勿得了，连楼道个二___夹层里也有人住。房钿虽然便宜，每个号头只有二___块三块，但是居住环境勿灵。小弄堂里二___等车穿来穿去，幺二___角落头垃圾交交关关。碰着风雪落雨，报修电话接二___连三。第二____日，房管所只好挨一挨二___来解决问题。有几个缠夹二___先生，勿是三言二___语讲得清爽个，一长二___短有得好缠来。还有种人出气出垃捉漏工人头浪，拿伊拉当二___房东，讲眼勿二 ___勿三个闲话；一个勿来三，还要穷吵阿二___头，弄得来像二___流子一样。前年十二___月底开始，世博会动迁。七十二___家房客看勿见了，小马路老弄堂小夹弄变成了二___三米宽以上个滨江大道，黄浦江对面就是世博会。一来二___去，埃面真正大变样了。现在，阿二___头常常坐垃江边，学二 ___郎神跷跷二___郎腿，吃吃从瑞金二___路中百二店买来个点心，看看二___、三年级个小学生白相相，听听京戏迷拉拉二___胡，有辰光还会弄二___两二_____锅头渳渳mi,日脚勿要过得适意噢！世博会真个是让上海面貌更上一个层面。

　　【沪语小词典】

　　渳mi：品味，小口少量喝：搿瓶老酒凶来死，侬要慢慢叫渳。《广韵》纸韵绵婢切：“渳，《说文》：饮也。”

［ 本帖最后由 上海闲话abc 于 2011-02-16 20:24:00 编辑 ］

吴语越音

空挡是什么意思？复制过来造成的吗？

benojan

空格儿是讴尔填个晓。

上海闲话abc

填空，填写拼音。
就是讲，上海话“二”有三个读音。
继承中古音个本地音——白读：〔gnir〕 (gnhi)。
采纳个北方话外来音——文读：〔erl〕(er)。
读“两”写“二”的——训读：〔liahn〕 (liang)。
〔〕 是拉丁式，()钱式拼写。

benojan

讀兩寫成二不是找抽

上海闲话abc

石门二路、中山南二路、瑞金二路、中百二店、二、三年级，中的二是序数词，但实际读两。
这个和普通话用法不同。上海话两可以是序数词。但是不能说第两。

二块三块、三言二语、二三米宽，中二实际是基数词两。这和普通话情况类似。

二百卄二，实际读两百卄二。