【广州日报】贵港“九零后”无几个识讲白话

tiyz

　　原标题：出咗两广“咽喉” 白话开始“无味”
　　大洋新闻 2009-09-22 来源: 广州日报 作者: 邓柱峰
  
　　繁华的贵港港背后，是新兴的贵港新城。  
　　西游珠江记
　　第2 篇

　　本报讯 （特派记者邓柱峰摄影报道）出咗“大西关”云浮之后，记者跟住采访团进入广西，头一站係广东人好熟悉嘅“小香港”梧州，呢度嘅市民多数都係珠三角移民的后代，“同声同气”分外亲切。不过，进入贵港之后，粤方言已经到咗濒临保护阶段。

　　梧州：
　　“广味”不减 雄心勃勃

　　两广咽喉梧州，同肇庆封开一山之隔，同在西江北岸，佛山人对呢个城市嘅熟悉程度分分钟超过大部分省内城市。咁又难怪，毕竟清末民初时期，好多佛山人沿住西江去梧州揾食，比如罗村人去搞牛皮生意，禅城人去搞药材生意等。有好多广佛人留咗喺当地落地生根，于是呢度成咗广东係省外嘅一个文化飞地，多数外地人去咗梧州都以为仲喺广东。

　　讲番依家嘅梧州，特色嘅广东建筑、小食依旧，而且呢度嘅市民竟然同我哋一样，睇珠江台、翡翠台、本港台，真係“广味”不减，对广府文化认同感相当强烈。

　　贵港：
　　“90后”无几个识讲白话

　　广东人有句俗话，“过咗一座山就换咗一种音”，过咗藤县进入贵港后，就发现呢个城市有一个最大的特色，就係粤-桂-中原文化碰撞融合激烈。点解咁讲？听下当地人讲乜话就知喇。

　　“靓女，唔该电梯系边呢？”到咗酒店大堂，记者用白话咨询大堂服务员。

　　“能不能讲普通话？”服务员回应。

　　“你不是贵港人么？怎么听不懂我说什么？”无奈之下，记者用普通话同巨讲。

　　“呵呵，我爸爸妈妈就会说白话，我不大会呢！”服务员回答说。

　　奇怪，以前睇书话贵港都係粤方言区，点解有当地人唔识讲白话？记者即刻上网查下究竟发生咩事。原来，近年由于政治经济文化等原因，港口城市贵港会聚了全国各地商人，普通话已经成为当地主流语言，呢一点好似我哋嘅深圳。

　　记者同当地交通部门一个“老贵港”交流知道，如今16岁以上嘅贵港后生会讲贵港话，但好多地道的字词基本读唔准，而城区嘅“80后”讲贵港话时要用普通话辅助交流。而“90后”嘅城区学生仔多用普通话交流，无几多个识讲白话。

　　从云浮到贵港
　　论城市
　　贵港演绎佛山速度

　　讲完贵港的语言变迁，都好应该向佛山市民介绍一下呢个广西最后升咗地级市。作为太平天国起义嘅策源地，石达开嘅乡下，记者一直以为呢度系一个比较偏远、闭塞嘅地方，因为从小就听历史老师讲，洪秀全跑广西搞起义，就因为呢度够山高皇帝远。

　　不过，当记者进入贵港城区后，就立即改观喇。呢个城市好“新净”，道路阔、楼距阔、绿化好，而且人流车流都相当大，酒店旅馆林立，夜市大排档热闹，生气蓬勃。

　　当地领导话比记者知，贵港1995年从玉林单列出来，升格地级市。贵港係全国内河港口10强，西南地区内河第一大港城区，经济增速广西第一，有“广西深圳”、“西江香港”嘅美誉。同佛山针对重点工作设置“金融办”、“汾江办”一样，贵港也要设置“黄金水道办”，专门负责发展港航事业，而且计划升级为正处级单位。吸引咗深圳华强、香港华润等大企业进驻。

　　“10多年前都是甘蔗地，从10多平方公里提到40多平方公里，人口也由20万升到40多万，而楼价更系从几年前嘅1800蚊一方升到3000蚊一方。”当地领导话。睇嚟，递增速度不亚于我哋佛山啊。

Terrist

犯关嘞。

owen

广西贵港像煞听说歇个，讲粤语的，也开始消亡了么？

吴语越音

广西贵港像煞听说歇个，讲粤语的，也开始消亡了么？
owen 发表于 2009-9-30 12:34 ↩️

外地人多没，侪搿能个。要是啥地方十个英国人一个中国人就变成英文嘞。