【韩国中央日报】印尼出现仔使用韩文嗰岛屿

Terrist

印尼出现仔使用韩文嗰岛屿林美真 记者 | 2009.08.07 08:15


韩文首次拨海外民族采纳为正式文字。训民正音学会6日表示，韩文作为表记印度尼西亚苏拉威西州巴务巴务市地域嗰土著语言吉阿吉阿闲话（音）嗰正式文字。上月21日，巴务巴务市向吉阿吉阿族聚居嗰索拉奥利奥地域（音）嗰40多名小学生分发仔韩文编写勒许嗰教科书，并开始授课。由「写作」、「口语」、「阅读」三部分组成勒许嗰教科书一塌刮子侪使用韩文，介绍仔吉阿吉阿族嗰闲话搭文化、布顿岛嗰历史搭传统物语、南韩传统童话兔传咾啥。

吉阿吉阿族交韩文嗰相遇亏煞训民正音学会教授拉嗰努力。学会副会长、南韩外国语大学教授全泰铉（马来印尼语翻译学科）搭学会成员介绍仔呒没文字嗰吉阿吉阿族嗰原委，首尔大学教授（语言学科）李豪荣旧年子7月会见仔巴务巴务市市长，签署仔使用韩文的嗰谅解备忘录。李教授话：“由于韩流，巴务巴务市市长对韩国歌印象邪气好”，“吉阿吉阿族也高兴相有仔文字。”

此后，吉阿吉阿族教师搭韩国，开始搭学会嗰教授一道编写教科书。李教授话：“此前一直生活勒热带雨林嗰教师由于寒冷搭仔思忖屋里，好几回想要回国，事体推板眼要流产”，“几经波折之后，才完成仔韩文嗰书写体系。”

呒没文字嗰少数语言大多濒临灭亡嗰危机。因为呒法记录语言，也呒法来勒学堂加以传授。如果口传语言嗰人口减少，辞藻也慢慢较消失。训民正音学会会长金周元（音）话：“希望通过搿次工作挽救来该消失嗰吉阿吉阿语交文化”，“也好长期形成吉阿吉阿族搭韩国之间嗰纽带关系。”

训民正音学会打算以搿次工作为基础，积极推动“韩文世界化计划”。李豪荣教授话：“为仔韩文好完全融入吉阿吉阿族嗰日常生活，将持续给予援助。”

韩国中央日报中文网 http://cn.joins.com

benojan

【惊！】印尼出現用韓文嗰山嶼
印尼出現用韩文嗰山嶼 林美眞 記者 | 2009.08.07 08:15

韓文(諺文)頭筏讓海外民族以正式嗰文字採納。訓民正音學會6號表示講，韓文做正式文字記寫印度尼西亞蘇拉威西州巴務巴務市地域嗰土著話吉阿吉阿話（老長啊！= =|||）。上月21號，巴務巴務市分畀吉阿吉阿族聚居嗰索拉奧利奧地域（音）40幾個小學生韓文寫起嗰教科書，還開教。「寫作」、「口語」、「閱讀」三部份组成嗰教科書都韓文寫起，介紹吉阿吉阿族嗰話搭箇文化、布頓岛嗰歷史搭傳統故事、南韓個傳統童話兔傳許。

吉阿吉阿族搭韓文嗰相遇全靠訓民正音學會教授侇嗰努力。學會嗰副會長、南韓外国語大學嗰教授全泰鉉（馬來印尼語翻譯學科）渠介紹無文字嗰吉阿吉阿族嗰原委畀學會成員聽，首邑大學嗰教授（語言學科）李豪榮舊年7月份會見巴務巴務市嗰市長，簽署用韓文嗰諒解備忘錄(??)。李教授講：“由於韓流，巴務巴務市市長對韓語歌印象侯好個”，“吉阿吉阿族有文字也快活”

此後，吉阿吉阿族教師搭韓國(?)，搭學會許教授聚隊開始編寫教科書。李教授講：“之前一直宿來熱帶雨林嗰教师冷亦加忖屋里，好幾筏忖起趒轉國內去，事幹望去便要流產爻箇”，“幾經波折之後，且算畀箇韓文嗰書寫體系完成爻。”

字無嗰少數語言大多數約無爻。話嘸處記，學堂裏也無辦法教。空是口傳語言嗰人頭減少，辞藻便阿會慢慢無及著爻。訓民正音學會會長金周元（音）講：“希望通過次嗰工作畀來底消失嗰吉阿吉阿語嗰文化畀伊挽救轉起”，“阿好長期形成吉阿吉阿族搭韓國之間嗰紐帶關係。”

訓民正音學會打算以箇次工作為基礎，積極推動“韓文世界化計畫”。李豪榮教授講：“为了讓韓文完全趒進吉阿吉阿族嗰日常生活，會接牢援助。”

韓國中央日報中文網 http://cn.joins.com