【請教】拉寫上海閒話文章

paktadasu

近抢把拉写上海闲话文章咯，碰著交关问题了。
1. 文章有独白，描写，对话，格么拉独白得之对话地方相对来讲比较简单，描写个地方就非常之难为来。
脑子里向听之介许多年数普通话，交关吴语词汇一上头侪想勿出来，书面国语表达个词汇得句型，像煞吴语里向侪不大用著个。
是话侪纯口语描写么，相对词汇表达不到书面国语迭能词汇丰富，表达精细，倒不是讲吴语做勿到能介，是拉讲长远不用词汇侪生之交关，伊是直接搬书面国语个词汇过之来么，读之起来生硬，唔啥味道。
问题来之，就是哪能介让吴语拉书面浪加二丰富表达方式得词汇？

2. 手浪豫備之交关材料，譬如讲汤珍珠许宝华《上海市区方言志》，钱乃荣《上海话语法》江苏教育出版社《上海方言词典》，钱乃荣《当代吴语研究》《北部吴语研究》，还有连得《松江方言研究》《嘉定方言研究》《天台方言研究》《崇明方言词典》侪常庄翻翻能介。
问题来之，觉著自家实在是缺拉交关，那能介最大公约化上海话，让除脱上海人自家，还有拨上海内部咯，外加北部吴语人咯，侪看得懂尼？

3. 啥人好拨眼人家写过个大型文章我看看来塞伐？

老师，兄弟，哪帮记忙我来。

circa

我想勿通儂爾為啥覺着難寫
平常哪能講個就哪能寫

上海闲话abc

江苏教育出版社《上海方言词典》
能不能上传上来？阿拉手头没。

paktadasu

江苏教育出版社《上海方言词典》
能不能上传上来？阿拉手头没。
上海闲话abc 发表于 2009-12-12 20:49 ↩️

    我没扫描工具，唔啥办法上传过来。必过个词典用老上海闲话编个，拉词汇浪向照顾着新上海闲话。

paktadasu

我想勿通儂爾為啥覺着難寫
平常哪能講個就哪能寫
circa 发表于 2009-12-12 20:43 ↩️

侬作兴勿曾懂我啥意思，头大烦拉那能让语言流畅，优美，表达丰富，不单清是那能讲那能写个事体。

申報紙

    吳語上海言話經過仔兲朝支g六十年個打壓，詞彙、語法搭音調儕拉朝mandarin靠咾同化當中，格咾我伲現在要做個事體就是要尋出仔老上海言話搭mandarin話法個對應關係，慢慢能回轉到老上海吳語個道路浪去，然後發展出我伲自家真正個現代吳語。

建議儂，若使有用吳語話勿出個說話末，担mandarin個話法貼上來，讓大家替儂話話看。

paktadasu

吳語上海言話經過仔兲朝支g六十年個打壓，詞彙、語法搭音調儕拉朝mandarin靠咾同化當中，格咾我伲現 ...
申報紙 发表于 2009-12-12 22:28 ↩️

    非常之有道理，我寻na阿是想挖眼老古闲话话法，尽管伲是83后养个。

自己做拉一只《进阶上海话试验》拉才道网浪，na相帮做做看，有眼啥答案勿对个地方va？

http://www.jobdao.com/protest/vtest001_11651.htm
进阶上海话试验

［ 本帖最后由 paktadasu 于 2009-12-13 22:26:00 编辑 ］