【閒聊】法國吃羅宋湯

上海闲话abc

法國吃羅宋湯
新年辰光去了丈母娘屋裏一趟，丈母娘做個湯讓我非常意外。看看眼熟，吃吃口熟，原來是羅宋湯。查資料後曉得，羅宋湯實際波蘭、烏克蘭、俄羅斯等斯拉夫民族共同財產，老早就傳到法國。
垃法國叫作bortsch或bortch。做法跟上海有眼勿一樣，就是湯裏個料，卷心菜、土豆儕是打碎個。

吴越人

老早看到过一篇文章，讲上海个罗宋汤是跟俄国人开个西餐馆学个。

阿拉屋里向个罗宋汤要有的卷心菜 洋山芋 洋葱 番茄 番茄酱 还有牛肉或者红肠。

guglielmo

罗宋好像本来就是russian之音译

cissyxchen

伊拉罗宋人吃格只borscht汤是要加酸奶油额，肯定勿配中国人口味。上海罗宋汤好像是要摆“油炒面”，才会得有粘搭搭的感觉。还有，俄国人的红菜汤不是阿拉额卷心菜，而是一种块根蔬菜“甜菜”。

讲到罗宋汤，小辰光到红房子去吃的所谓“法式大餐”，现在想想好像跟法国关系勿大。汤是罗宋汤，炸猪排应该是德国或奥地利的（schnitzel），土豆沙拉不知道是谁家的。记得连面包都是罗宋面包而不是棍子面包。呵呵，上海最早的法国餐馆会不会都是白俄开额，顺带便也传播勒一下伊拉俄罗斯额饮食文化。