【原創】法律門頭前（吳語翻譯）

benojan

法律門頭前

卡夫卡

        法律門頭前一嗰衛士徛勒塝。箇日一嗰鄉下人趒來，央嗰衛士撥伊放進去。咸曉得箇衛士搭伊講，渠昶還嘸處趒進去吤。箇鄉下人一稘忖，咦問講：「慢底起是勿好趒進去勒？」

        「嘸數嗰」，箇衛士講，「昶勒還嘸處。」

        箇法律嗰大門伐一落開勒塝，箇稘箇衛士退塝邊裏去爻，箇鄉下人搵落去，宿耷儿張張裡向。衛士望著猴笑徠笑，講：「爾老想趒進去嚡！休要聽我講望望向。先頭搭爾講好：我孬妝險吤。再講我算最低檔次嗰衛士爻。裡向勒間加間廳堂，扇加扇門都一嗰衛士徛牢，嘅加嘅越來越煞甲。便單清第三嗰廳堂塝嘅，我都嘸膽正眼望渠！」

        鄉下人嘸忖著箇事幹嬒馨孬妝嗰；人家勿都講法律門管咸爾都好趒嗰，管幾時都嘸告，渠馨徠塝忖。不過渠昶仔細擊望，箇著皮衣裳嗰衛士，望渠嗰鼻頭咦嗰大咦嗰尖，箇鬍鬚咦嗰長咦嗰密，墨黑儿嗰，扣搭韃靼人嗰鬍鬚向，渠忖還搭伊等等起先，等到人家搭伊講好撥伊趒爻啊，渠再趒馨好定。衛士伐一張小凳眼掇來畀渠，謳渠坐門扇腳儿。渠伐倍馨坐及塝，坐嗰一日咦一日，一年過去爻咦一年。渠試無數遍數，央人家撥伊放進去，撥箇衛士都央煩起爻。衛士也道道時問渠問問，問渠屋裏勒別樣嚡某勒；不過許都大人物嘸告要緊問問嗰，末腳儿箇衛士叫舊搭伊講還嘸處趒。箇鄉下人為趒勒耷儿來起頭無數物事準備起嗰，昶用爻陰沱光，為了搭箇衛士打交道，多少掽落去阿合算。塝頭嘅馱伐都馱去爻，講咦還馨講：「我馱來是想爾休要忖自己人情朆送到。」

        無數年數過去爻，鄉下人差弗多倍只攻箇衛士去爻。渠撥各許衛士都落及爻；對渠來講，扣搭倍只箇一嘅法律殿堂嘸到伊趒。渠自咄自馨嗰弗湊巧，起頭嗰兩年謳天謳地止，到後來人老去爻，倍只要勒得獨該頭宿塝嚕嚕攪攪。（寫著成語倍嘸把握爻。。。囥耷儿起）

未完……