【請教】「湃」個讀音

吴语越音

“湃”是普拜切，為啥輸入法裏向是pa？出處是啥地方？

吴语越音

“膀胱”個“膀”哪能會得出來paon phaon baon個三種讀音？

吴语越音

“勝”迭個字有陰平個，倒是平常上海言话讀“勝利”也是陰平開頭個伐？不過“告訴”也是搿能個，又弗大好做是陰平個根據。還是用陰去？

吴语越音

輸入法裏向哪能會得有“蔬”個su syu兩種讀音？

吴语越音

“塑”是弗是吳人錯讀再讀成soq個？應該是su？

上海闲话abc

“湃”是普拜切，為啥輸入法裏向是pa？
＝＝＝＝＝＝＝＝＝＝＝＝＝＝
“湃”是普拜切，輸入法裏向是pa，出處是《上海市區方言誌》《上海方言詞彙》裏個音。
當時我也猶豫過。

上海闲话abc

“膀”哪能會得出來paon phaon baon個三種讀音？
＝＝＝＝＝＝＝＝＝＝＝＝＝＝＝
三個音用法勿一樣個：
1，（膀）：baon ：膀胱。
2，（胮）：phaon：浮腫。例：面孔膀氣來了。
3，（髈）：paohn： 翅膀、臂膀。

上海闲话abc

輸入法裏向哪能會得有“蔬”個su syu兩種讀音？
吴语越音 發表於 2010-9-22 16:15

迭個跟“兮”個情況一樣。

蔬：《唐韻》所葅切《韻會》山於切，音疏。 就是“蔬”“疏”應該跟“梳”同音。理論哴應該讀syu。
但是《上海市區方言誌》《上海方言詞彙》《簡明吳方言詞典》《上海口語詞典》《吳語概說》《上海話音檔》統統是su。北京來個文讀已經覆蓋了本地個白讀。
（但是還沒辦法動搖常用字“梳”個白讀。可以看到傳統知識份子沒母語意識，立場完全是通用語一頭個。因為伊拉認為吳語是通用語個方言，朝通用語靠是天經地義個。）

但是阿拉立場是相反個，朝通用語靠到頭，就變成普通話了，滅脫了。所以倡導跟普通話異質性強個白讀。所以，迪種情況我勿能否認北京來個文讀音存在，同時推薦白讀音。

如果方言資料北京來個文讀跟本地白讀（老文讀音新文讀變白讀）兩讀，就勿推薦文讀，祇推薦本地音白讀。

總之對文讀緊，對白讀松。可有可無個文讀勿推薦，成勢力個文讀祇好承認。淡出趨勢個白讀，全力慰留。

上海闲话abc

回復 吴语越音 的帖子
勝 好像儕讀去聲伐？《上海市區方言誌》去聲。
勝：又《唐韻》《集韻》《韻會》詩證切。升去聲。

吴语越音

“膀”哪能會得出來paon phaon baon個三種讀音？
＝＝＝＝＝＝＝＝＝＝＝＝＝＝＝
三個音用法勿一樣個：
1 ...
上海闲话abc 發表於 2010-9-23 02:01

搿能介弗是三個字了？哪能會得儕是“膀”呢？