【答疑】“城里人”帮“乡下人”一词挂勒嘴巴边

Terrist

我觉着阿拉江浙人有个特点，就是交关欢喜骂人家“乡下人”，啥个“乡下戆卵”啦，“乡下头人”啦，等等。好似乡下人多少推板一样，专门拨“城里人”用作贬义用。

我先说明记，我自家也来自海岛，也算是乡下人吧，但是我发搿篇文章勿是为仔帮“乡下人”出气，是觉着阿拉江浙人素质有眼推板，每日“乡下人”“乡下戆卵”个瞎叫，一眼也呒没所谓“城里人”个修养可言。

比如，我一个宁波朋友，伊是个“小娘”，每趟伊来形容人家气质、行为或者卖相勿大灵光个辰光，侪欢喜讲“像乡下人一样”，格么我奇怪嘞，侬自家弗是也恐龙一只么，但是搿种闲话我是讲勿来个，因为伤人家自尊个嘛，大家心里向晓得就好哉。

但是三番两次个，我晓得伊一直帮我当做所谓“城里人”看待吧，反正我卖相勿推板伊根本陪勿上我，可能是平时浪向生活习惯咾啥侪搭伊呒啥区别（实际浪现在市区人可能还是农村人有铜钿也说勿定，伊屋里收入我看来也比勿上阿拉个，但是人家就是有种与生俱来个优越感）。每回伊“乡下人”一词又讲出来，我就眉头皱皱，搭伊讲我也是乡下人好伐！！伊就讲“勿是啦，我讲个是一种形容意思。”格么我更加勿适宜嘞，阿拉乡下人啥地方得罪侬嘞。

今朝又碰着一个宁波“城里人”，卖相真个老吓人个，我真个想象勿出伊是“城里人”，比我高中坐勒我顺手边迭个“恐龙”还要吓人。更加郁闷个是坐勒旁边个外国人以为我是伊男朋友……整个昏迷……面子也呒没嘞。

每天讲阿拉“农村人”坏闲话到也算嘞，问题是，我碰着个“城里人”个带个卖相勿要忒怕人噢，侪是恐龙一只只。格么侬有啥资本好用“像乡下人一样”来形容推板呢？

宁波是搿能，格么杭州、上海搿种现象肯定尤甚，阿拉侪晓得个。虽然有辰光伊拉讲“乡下人”本身呒没恶意，但是人家听勒总勿爽快么。拨人家外路人（江浙以外）听到仔么又拨伊拉捉牢把柄嘞，到辰光又拨人家勒网浪批评看侬还有啥闲话好讲。

嗗咾啦，摆脱那“城里人”积点口德吧~~

［ 本帖最后由 Terrist 于 2009-05-02 19:25:00 编辑 ］

benojan

一般都会说“外地人”，“乡下人”基本不说

Terrist

一般都会说“外地人”，“乡下人”基本不说
benojan 发表于 2009-5-2 19:19 ↩️

“外路人（外地人）”是用来区别本地人个，“乡下人”是用来骂以及形容“拿不出手”个

春山

外国人

Terrist

4# 春山
巴基斯坦

疁殇1958

原来是遗传的...

热度

鄉下人心理是氣質上或骨髓裏頭去弗脫的

Terrist

7# 热度

问题是那女的自己跟恐龙似得，有什么资本这么说啊。

春山

要勿要看 好看个宁波姐姐

Terrist

9# 春山

格么当然好咯，不过不满您说，我们学校的宁波女都很……说是市区人，看不出是市区的，按照那个女的的逻辑。
------
台州绍兴姑娘灵光~~

［ 本帖最后由 Terrist 于 2009-05-02 20:49:00 编辑 ］